گفتوگۆی لایەنەکانی کەرکووک بۆ یەکلاکردنەوەی پۆستی پارێزگار وەستاوە

ئاڤا نیوز

 

دوای نزیکەی سێ مانگ لە کۆبوونەوەکەی نێوان یەکێتی و پارتی لە دەباشان، یەکێتی نەیتوانیوە ناوی بەربژێری پۆستی پارێزگاری کەرکووک بۆ پارتی بنێرێت.

 

لێدوانی فەرمی: ‌حەسەن شێخانی، سەرۆکی فراکسیۆنی پارتی لە ئەنجومەنی پارێزگای کەرکووک بە ئاڤا نیوزی گوت: "بڕیار وابوو یەکێتی ناوی چەند بەربژێرێک بداتە پارتی، بۆ ئەوەی کەسێکی تەکنۆکرات و خاون ئەزموون بۆ پۆستەکە دیاری بکەن، بەڵام نەیانناردووە".

 

لەلایەکی دیکەوە: پارتی جەخت لە دانانی کوردێک بۆ پۆستی پارێزگاری کەرکووک دەکاتەوە، کە بتوانێت هاوسەنگی نێوان ئەوان، یەکێتی و لایەنەکانی دیکەی شارەکە ڕابگرێت.

 

ئەمەش بزانە: هێشتا هیچ وادەیەک دیارینەکراوە بۆ کۆبوونەوەی دیکەی لایەنەکانی کەرکووک لەگەڵ سوودانی؛ کەسێکی دیاریکراویش نییە تاوەکو لایەنەکان گفتوگۆی لەسەر بکەن.