نێچیرڤان بارزانی بۆ کرێکاران: دەستی ماندووبوونتان دەگوشم

 

ئاڤا نیوز 

 

 سەرۆکی هەرێمی کوردستان بەبۆنەی ڕۆژى جيهانيى كرێكاران، گه‌رمترين پيرۆزبايى له‌ كرێكارانى كوردستان، عێراق و جيهان ده‌كات.

 

پەیامی فەرمی: نێچیرڤان بارزانی، سەرۆکی هەرێمی کوردستان لە پەیامێکدا کە ئاراستەی کرێکارانی کردووە و دەڵێت: ده‌ستى كار و ماندووبوونی گشت كرێكارانى كوردستان، عێراق و جيهان ده‌گوشم و هيواى ئاسووده‌يى و خۆشگوزه‌رانى و سه‌رفرازييان بۆ ده‌خوازم؛ يه‌كى ئايار له‌ هه‌موو لايه‌ک پيرۆز بێت و هيواى پشوويه‌كى ئارام بۆ كرێكاران ده‌خوازم.

 

ئەوەی پێویستە بیزانیت: له‌م ياده‌دا سەرۆکی هەرێمی کوردستان هانى سه‌نديكا و ڕێكخراوه‌كانى كرێكاران دەدات كارى باشتر بكه‌ن بۆ دابينكردن و پاراستنى مافه‌كانى كرێكاران و ڕه‌خساندنى يه‌كسانى له‌ ده‌رفه‌ته‌كانى كاردا؛ لايه‌نه‌ په‌يوه‌نديداره‌كان چاودێريى خێزانى ئه‌و كرێكارانه‌ بكه‌ن كه‌ له‌ كاردا ژيانيان له‌ ده‌ست داوه‌ و بايه‌خ و گرنگى به‌ باشتركردنى دۆخى ژيان و گوزه‌رانيان بدرێت.