وەزارەتی کار: بڕیارەکەی سەرۆکوەزیران بارزانی بۆ پاراستنی مافی کرێکار سەرکەوتوو بووە

 

ئاڤا نیوز

 

گوتەبێژی وەزارەتی کار و کاروباری کۆمەڵایەتی ڕایگەیاند، لە ڕۆژی جیهانیی کرێکاراندا، تەواوی پیشەوەر و کرێکارانی ناوخۆی هەرێمی کوردستان ئاگادار دەکەینەوە کە مافیان لە بڕیاری 75%ـی دەستی کاری ناوخۆییدا پارێزراوە. 

 

بۆچی گرنگە: بۆ ڕەخساندنی هەلی کار و بووژانەوەی بازاڕی ناوخۆ، حکومەتی هەرێمی کوردستان بڕیاری داوە لە کۆمپانیا گشتی و تایبەتەکاندا 75%ـی کرێکارانیان ناوخۆیی بن و تەنیا 25%ـیان بیانی بن.

 

لێدوانی فەرمی: ئاریان ئەحمەد، گوتەبێژی وەزارەتی کار و کاروباری کۆمەڵایەتی بە ئاڤا نیوزی گوت: هەنگاوەکانی بڕیارە گرنگەکەی سەرۆکوەزیران بارزانی کە دەبێت 75%ـی کرێکاران لە کەرتی گشتی و تایبەت ناوخۆیی بن، لە قۆناغێکی باشدایە، تەنانەت ئەو کۆمپانیایانەی تازە دادەمەزرێن 100% بڕیارەکەیان جێبەجێکردووە.

 

باکگراوند: له‌ ڕۆژی 20-09-2022 ئه‌نجوومه‌نی وه‌زیرانی هه‌رێمی كوردستان به‌ واژووی سه‌رۆكوه‌زیران بارزانی بڕیاریدا پێویستە 75%ـی دەرفەتەکانی کار لە هەر پڕۆژە و پیشەیەک لە هەرێمی کوردستان ناوخۆیی بن و 25%ی بیانیی بن.