سوودانی و زەكەریا عەبدوڵڵا لە بەغدا كارگەیەک دەكەنەوە

ئاڤا نیوز

 

لە ڕۆژی جیهانی كرێكاراندا، هونەرمەند زەكەریا عەبدوڵا لە بەغدا لەگەڵ محەممەد شیاع سوودانی دەردەكەوێت و كارگەیەكی پۆڵا دەكەنەوە.

 

وێنە گەورەكە: ئەمڕۆ لە ڕۆژی جیهانی كرێكاراندا محەممەد شیاع سوودانی كارگەیەكی پۆڵای كردەوە و ئەوەی جێی سەرنجە هونەرمەندی كورد زەكەریا عەبدوڵا لەگەڵی دەردەكەوێت و قردێلەی كردنەوەی كارگەكە دەبڕێت.

 

ئەوەی پێویستە بیزانیت: ماوەیەكە هونەرمەند زەكەریا عەبدوڵا لە هیچ شوێنێك دەرنەكەوتووە، ئەمڕۆ شانبەشانی سەرۆكوەزیرانی عێراق كارگەیەكی لە بەغداكردەوە و لە ڕێوڕەسمی كرنەوەكەدا  بەشداربوو.

 

باكگراوند: زه‌كه‌ریا عه‌بدوڵا لە دوای ڕیفراندۆمی سەربەخۆی كوردستانەوە، هیچ دەركەوتنێكی نەبووە و سەرقاڵی كاری بازرگانییه‌، كۆمه‌ڵێك پرۆژه‌ی نیشته‌جێبوونیشی له‌ كوردستان هەیە.

 

زانیاریی تایبەت: بە گوتەی سەرچاوەیەكی نزیك لەو هونەرمەندە، پشكی سەرەكی كارگەی پۆڵاكە بۆ زەكەریا عەبدوڵڵا دەگەڕێتەوە.