کۆمیسیۆن بەشێکی ئامادەكارییەكانی بۆ هەڵبژاردنی پەرلەمانی کوردستان ڕاگرت

ئاڤا نیوز 

 

کۆمیسیۆنی باڵای سەربەخۆی هەڵبژاردنەکانی عێراق، بەشێکی ئامادەكارییەكانی بۆ سەرپەرشتیکردنی هەڵبژاردنی پەرلەمانی کوردستان ڕاگرت.

ئەوەی پێویستە: بەگوێرەی بڕیاری پلانی کۆمیسیۆنی باڵای سەربەخۆی هەڵبژاردنەكانی عێراق، ڕۆژی 10-5-2024، بانگه‌شه‌ی هه‌ڵبژاردن ده‌ستپێده‌كات، بەڵام ڕێکاری تەندەرکردنی کارتی دەنگدان ڕاگیرا کە دەبوو سێ ڕۆژ پێش ئێستا چاپ بكرانایە.

زانیاریی زیاتر: شەش فەرمانبەر، سێ لە بەغدا و سێیەکەی دیکەش لە پارێزگاکانی هەرێمی کوردستان چوونەتە وڵاتی ئیمارات بۆ چاپکردنی فۆڕمی دەنگدان، بەڵام دوێنێ پەیوەندییان پێوەکراوە بەپەلە بگەڕێنەوە عێراق و فۆڕمەکان چاپ نەکەن.

باکگراوند: ڕۆژی 7-7-2024، واده‌ی درێژكراوه‌ی كۆمسیۆنی هه‌ڵبژاردنه‌كانی عێراق ته‌واو ده‌بێت، هێشتا دیار نیە وادەکەی دڕێژدەکرێتەوە یان نا.

وێنە گەورەكە: پارتی دیموكراتی كوردستان و چەند لایەنێكی دیكە، تێبینییان لەسەر شێوازی بەڕێوەچوونی هەڵبژاردنی پەرلەمانی كوردستان هەیە، ئەگەری دواخستنی هەڵبژاردنی پەرلەمانی كوردستانیش نزیكە.