حەج و عومرەی کوردستان: چەند کۆمپانیایەک بە قاچاخ خەڵک دەبەنە حەج

ئاڤا نیوز 

 

حەج و عومرەی کوردستان هاونیشتمانیان ئاگادار دەکاتەوە، چەند کۆمپانیایەک بە قاچاخ و لەژێر ناوی ڤیزای ساڵی و بازرگانی، دەیانەوێت خەڵک ببەنە حەج، متمانەیان پێ مەکەن و پارەیان مەدەنێ.

 

چیرۆکی سەرەکی: پێشووتر وەزارەتی حەج و عومرەی سعودیە ڕایگەیانبوو، هاتن بۆ حەج بە وەرگرتنی ڤیزای حەج لەلایەن لایەنە پەیوەندیدارەکانەوە دەبێت و بە هەماهەنگی لەگەڵ وڵاتان دەکرێت، بەپێچەوانەوە مۆڵەتەکانی دیکە ساختەن و ڕێگەپێدراو نین.

 

لێدوانی فەرمی: گوتەبێژی بەڕێوەبەرایەتیی گشتیی حەج و عومرە بە ئاڤا نیوزی گوت: "لەگەڵ نزیکبوونەوەی وەرزی حەج، خەڵکانێک لە سۆشیاڵ میدیا بە ناوی کەسی و کۆمپانیاوە دەستیان کردووە بە بانگەشەی بردنی حاجیان لەڕێگەی ڤیزای ساڵی و بازرگانییەوە، ئەمە دژی یاسایە و هەر کەس دەستگیر بکرێت، لێپێچینەوەی لەگەڵ دەکرێت".