12 گەنج بەشێوازێكی كوردەواری میوزیک دەژەنن

ئاڤا نیوز

 

تیپێکی گەنجانی کورد کە لە 12 خوێندکار و گەنجی میوزیکژەن پێکهاتوون، یەکەمین کۆنسێرتیان لە هۆڵی ڕۆشنبیری هەولێر ڕێک دەخەن .

 

لێدوانی فەرمی: سەفین حەمید، سەرپەرشتیاری پڕۆژەی هێلان بە ئاڤا نیوزی گوت: پەیمانگەی گۆتە بە هاوکاری وەزارەتی ڕۆشنبیری حكومەتی هەرێمی كوردستان، کۆنسێرتێک لە هۆڵی ڕۆشنبیری ساز دەکات بۆ ئەو گەنجانەی کە خاوەن بەهرەن و کەمتر بایەخیان پێ دراوە.

 

ئەوەی پێویستە بیزانیت: هێلان پڕۆژەیەکی پەیمانگای گۆتەیە، بە هەماهەنگی سێڤ گەلەری و فێرگەی فرێمینگە بۆ وێنەی ڕۆژنامەوانی، بە سەر پەرشتی سەفین حەمید، پشتگیری گەنجان و لاوانی کوردستان دەکەن بۆ بەرەو پێش چوونیان لە بواری هونەرییدا.

 

زانیاریی زیاتر: پڕۆژەی هێلان سێ ساڵە بەردەوامی بە چالاکیەکانی دەدات، تا ئێستا لە شارەکانی سلێمانی، هەڵەبجە و هەولێر چەندین کۆنسێرت و چالاکی بۆ گەنجانی خاوەن بەهرە كردووە.