هونەرمەندێکی ڕۆژهەڵاتی کوردستان لەسەر گۆرانی گوتن لە ئاهەنگی نەورۆز دەستگیرکرا

ئاڤا نیوز

 

هونەرمەندێکی خەڵکی کرماشانی رۆژهەڵاتی کوردستان، بەهۆی بەشداریکردنی لە مەراسیمی نەورۆز لەلایەن سوپای پاسدارانەوە دەستگیرکراوە. 

 

چیرۆکى سەرەکی: ڕۆژی هەینی سوپای پاسداران، بەردین جەعفەری، هونەرمەندی شاری کرماشانیان دەستگیرکرد، هۆکارەکەی بۆ چڕینی سروودی نەتەوەیی لە نەورۆزی ئەمساڵ دێت.

 

ڕاگەیێنراوی فەرمی: لە مەڕاسیمی جەژنی نەورۆزی ئەمساڵ زیاتر لە 30 هەزار کەس بەشداریکردووە، بەردین جەعفەری، سروودێکی بە زمانی کوردی بە ناوی (پایەدار بمێنی کوردستانەکەم) چڕیوە، دوای نزیکەی دوو مانگ لەلایەن سوپای پاسداران دەستگیرکراوە. ڕێکخراوی هەنگاو بۆ مافەکانی مرۆڤ لە ڕاگەیێنراوەکە ئاماژەی بەوەداوە.