شاندێکی قەتەر سەردانی هەرێمی کوردستان دەکات

ئاڤا نیوز

 

سەرپەرشتیاری ئیدارەی سەربەخۆی زاخۆ ڕایدەگەیێنێت، کۆتایی ئەم مانگە شاندێکی قەتەر سەردانی هەرێمی کوردستان و زاخۆ دەکات و ئەمەش دەرفەتی وەبەرهێنان زیاتر دەکات.

 

لێدوانی فەرمی: گوهدار شێخۆ، سەرپەرشتیاری ئیدارەی سەربەخۆی زاخۆ بە ئاڤا نیوزی گوت: "ئامانج لە سەردانی شاندەکەی سوودوەرگرتنی هەرێمی کوردستانە لە ئەزموونی ئەو وڵاتە و زیاترکردنی دەرفەتی وەبەرهێنان".

 

ئەوەی پێویستە بیزانیت: لە ماوەیەکی نزیکدا شاندێکی بازرگانی و دەستەی وەبەرهێنانی قەتەر بە سەرپەرشتی سەرۆکی شارەوانیی دەوحە سەردانی زاخۆ دەکەن.

 

باکگراوند: ڕۆژی 23ـی نیسانی ڕابردوو، بە سەرپەرشتیی گوهدار شێخۆ، شاندێکی ئیدارەی سەربەخۆی زاخۆ بە مەبەستی پێشخستن و برەودان بە پەیوەندییەکان سەردانی قەتەریان کرد.