كۆنسوڵخانەی ئەمریكا لەبارەی سووتانی قەیسەری هەولێر پەیامێكی بڵاو كردەوە

ئاڤا نیوز

کۆنسوڵخانەی ئەمریکا لە هەرێمی کوردستان، هاوخەمیی خۆی ئاڕاستەی خاوەن دووکانەکانی قەیسەریی هەولێر دەکات و هیوای چاکبوونەوە بۆ برندارەکان دەخوازێت.

چیرۆکی سەرەکی: شەوی ڕابردوو ئاگر لە بەشێکی قەیسەری هەولێر کەوتەوە و بەهۆیەوە 227دووکان سووتان زیانی ماددی زۆری بە دووکاندارەکان گەیاند.

ڕاگەیێنراوی فەرمی: کۆنسوڵخانەی ئەمریکا لە فەیسبووک نوسیویەتی:"هاوخەمیی خۆمان ئاڕاستەی هەموو ئەوانە دەکەین کە بە هۆی ئاگرکەوتنەوەی کارەساتباری بازاڕی قەیسەریی نزیکی قەڵای مێژوویی هەولێر زیانیان بەرکەوتوو و بووە هۆی سووتانی دووکانەکانی بازاڕەکە، دەستخۆشی لە تیمەکانی بەرگریی شارستانیی و تیمەکانی تەندروستیی هەولێر دەکەین بۆ هەوڵە باڵاکانیان".

ئەوەی پێویستە بیزانیت: جگە لە زیانی ماددی هیچ گیانلەدەستدان نەبووە، بەڵام بەهۆی قەرەباڵغییەکی زۆری هاووڵاتییان لە شوێنی ڕووداوەکە، 132 کەس لە ئەفسەر و کارمەندانی بەرگریی شارستانی، ئاسایش، پۆلیس، کاسبکار و هاووڵاتی، بریندار بوون و بەشێکیشیان بەهۆی دووکەڵی ئاگرەکەوە تەندروستییان تێک چوو.