چوارچێوەی هەماهەنگی شوێنگرەوەی حەلبووسی دیاری دەکات

ئاڤا نیوز

 

چوارچێوەی هەماهەنگی هەفتەیەک مۆڵەتی بە لایەنە سوننەکان داوە بۆ چارەسەرکردنی پرسی هەڵبژاردنی سەرۆکێک بۆ ئەنجوومەنی نوێنەرانی عێراق.

 

وێنە گەورەکە: شەش مانگ بەسەر دوورخستنەوەی محەممەد حەلبووسی لە پۆستی سەرۆکی ئەنجوومەنی نوێنەران تێپەڕدەبێت، بەهۆی ڕێکنەکەوتنی لایەنە سوننەکان تا ئێستا شوێنگرەوەی دیارینەکراوە.

 

زانیاریی بەدەستهاتوو: لە کۆبووەنەوەی 191ـەمینی چوارچێوەی هەماهەنگی کە لە نووسینگەی نووری مالیکی کرا، هەفتەیەک وەک دوا مۆڵەت بۆ لایەنە سوننەکان دیاریکرا بۆ  ئەوەی بەربژێرێک بۆ سەرۆکی ئەنجوومەنی نوێنەران دیاری بکەن،"

 

ئەوەی پێویستە بیزانیت: هاوپەیمانیی تەقەدووم، دوای کشانەوەی شەعلان کەریم، هیچ بەربژێرێکی دیکەی پێشنیاز نەکردووە، هاوپەیمانیی دەوڵەتی یاسا پشتیوانی لە مەحموود مەشهەدانی و بەشێکی لایەنەکانی چوارچێوەی هەماهەنگی پاڵپشتییی سالم عیساوی بۆ پۆستی سەرۆکی ئەنجوومەنی نوێنەرانی عێراق، دەکەن.