شانۆگەریی 'کۆگای ژمارە چوار' نمایش کرا

ئاڤا نیوز

 

شانۆگەریی کۆگای ژمارە چوار لە سلێمانی بە شێوازێکی جیاواز نمایش کرا؛ چەندین ئەکتەری دیار لە شانۆگەرییەکە ڕۆڵیان تێدا گێڕا. 

 

لێدوانی تایبەت: دێرین حامید دەرهێنەری شانۆی کۆگای ژمارە چوار لە بەرنامەیەکی تایبەت ئاڤامیدیا گووتی : دەستپێکردنی بیرۆکە و یەکەم شەو کە دانیشتم بۆ نووسینی تێکستی شانۆیی کۆگای ژمارە ٤ هەتاوەکو ئێستا نزیکی ٦ ساڵە و بیرۆکەی تێکستەکەم لە کاتی نمایشی شانۆیی "ملوانکەی پچڕاو" لا دروست بوو و کارم لەسەر کرد.

 

لە لایەکی دیکەوە: دەرهێنەری شانۆگەرییەکە دەڵێت بۆ ئەم کارە زۆرترین بابەت و کتێبی لەسەر مێژووی کورد خوێندۆتەوە  و زانیاری کۆ کردووەتەوە بە تایبەت لەم چەند ساڵەی کۆتایی و باسی لەوەش کرد وەک دەرهێنەر بیر لە تێکستەکە دەکاتەوە نەک نووسەر و "من خەریکی دروستکردنی چەند ساتە وەختێکی دەروونی و درامی بووم کە تیایدا کاراکتەر هێزی هەبێت"

 

ئەمەش بزانە: شانۆگەری کۆگای ژمارە چوار، شانۆگەرییەکی کوردییە لە نووسین و دەرهێنانی دێرین حامیدە و بێساران جاسم ، زەریا سامی ، تۆفیق ساڵح ، ژوان دارا ، ژولیا حسێن وەک ئەکتەری سەرەکی ڕۆڵیان تێدا گێراوە.