فەرەنسا بۆ وەزارەتی پێشمەرگە: پشتیوانی چاكسازییەكانتان دەكەین

ئاڤا نیوز

 

شاندێكی كۆنسوڵخانەی فەرەنسا سەردانی وەزارەتی پێشمەرگەیان كرد، دڵنیایی و پشتیوانی فەرەنسایان بۆ چاكسازییەكانی وەزارەتی پێشمەرگە دووپات كردەوە.

 

وێنە گەورەكە: كابینەی نۆیەمی حكومەتی هەرێمی كوردستان بەردەوامە لە چاكسازی لە ڕیزەكانی پێشمەرگەی كوردستاندا، ئەمریكا و هاوپەیمانان و فەرەنسا پشتیوانی لە چاكسازییەكان دەكەن و بەردەوامن لە هاوكاری بۆ ڕێكخستنەوە و چاككردنی هەموو گرفتەكان.

 

لێدوانی فەرمی: كۆنسوڵی فەرەنسا لە هەرێمی كوردستان ڕایگەیاند، ”پابەندین بەئاسایش و سەقامگیریی هەرێمی كوردستان، پشتیوانی لە هەماهەنگی و چاكسازییەكانی پێشمەرگە دەكەین".

 

بۆچوونی لایەنی بەرامبەر: میران بەکر، بەڕێوەبەری نووسینگەی شۆڕش ئیسماعیل وەزیری پێشمەرگە بە ئاڤا نیوزی گوت: ”فەرەنسا پشتیوانیی خۆی بۆ چاكسازییەكانی وەزارەتی پێشمەرگە دەربڕیوە و بەردەوامە لە هاوكارییەكان".

 

باكگراوند: فەرەنسا لە چوارچێوەی هاوپەیمانیی نێودەوڵەتی دژی داعشدا لە سەرەتای هەڵیگرسانی شەڕی داعش پشتیوانی و هاوكاری هێزەكانی پێشمەرگەی كوردستان بووە.