بۆچی بەنداوی دەربەندیخان بیڵ ماوسی نییە؟

ئاڤا نیوز

 

بەڕێوەبەری بەنداوی دەربەندیخان ڕایدەگەیێنێت، مەرج نییە هەموو بەنداوێک بیڵ ماوسی هەبێت و نەبوونیشی کاریگەری لەسەر بەنداوەکە نابێت.

 

وێنە گەورەکە: هەرچەندە بەنداوی دەربەندیخان، دووەم گەورەترین بەنداوی کوردستانە، بەڵام بیڵ ماوسی نییە و لەکاتی سەرڕێژبوون، ئاو بەسەر دەرگاکانیەوە دەڕژێت.

 

لێدوانی فەرمی: سامان ئیسماعیل، بەڕێوەبەری بەنداوی دەربەندیخان بە ئاڤا نیوزی گوت: "بەهۆی هەڵکەوتەی جوگرافی و دیزاینەکەیەوە، بیڵ ماوس بۆ بەنداوی دەربەندیخان دروست نەکراوە، نەبوونیشی کاریگەری لەسەر بەنداوەکە نابێت".

 

خاڵە ئەرێنییەکان: مەرج نییە هەموو بەنداوێک بیڵ ماوسی هەبێت، بەنداوی دووکان کە گەورەترین بەنداوی کوردستانە، دەرگا و بیڵ ماوسی هەیە، بەڵام بەنداوی دهۆک تەنیا بیڵ ماوسی هەیە و دەرگای نییە.

 

ئەوەی پێویستە بیزانیت: بەنداوی دەربەندیخان، دووەم گەورەترین بەنداوی هەرێمی کوردستانە و دەتوانێت سێ ملیار مەتر سێجا ئاو گل بداتەوە.