لە قوشتەپە بەردی بناغەی بنکەیەکی تەندروستی دانرا

ئاڤا نیوز 

 

بەردی بناغەی بنکەیەکی تەندروستی لە قوشتەپە دانرا، بە گوژمەی 440 هەزار دۆلار کە لە لایەن ڕێکخراوی "UN"ـەوە دابین کراوە.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت: "ئامانجی حکومەتی هەرێمی کوردستان ئەوەیە، زیاتر خزمەت بە خەڵکی ناو کەمپەکان بکات و لەلایەن "UN"ەوە گوژمەی 440 هەزار دۆلار بۆ بنکە تەندروستییەکە دابینکراوە".

 

ئەوەی پێوستە بیزانیت: ڕووبەری زەوییەکە زیاترە لە دوو هەزار مەتر، بۆ تەواو بوونی پێویستی بەوەیە  180 ڕۆژ کاری لێبکرێت، ئەو بنکە تەندروستییە لە جۆری 'b' ـیە.

 

لەلایەکی دیکەوە: پێشەوا هەورامانی، گوتەبێژی حکومەتی هەرێمی کوردستان دوێنێ لە کۆنگرەیەکی ڕۆژنامەوانیدا ڕایگەیاند: حکومەتی هەرێمی کوردستان بە هیچ جۆرێک بە زۆرە ملێ هیچ ئاوارەیەک ناگەڕێنێتەوە بۆ شوێنی خۆیان.