سەرکردەیەکی چوارچێوەی هەماهەنگی: هەڵبژاردنی داهاتوو لە کۆتایی ساڵی 2025 دەکرێت

ئاڤا نیوز  

سەرکردەیەکی چوارچێوەی هەماهەنگی، پێیوایە هەڵبژاردنی داهاتوو لە کۆتایی ساڵی 2025 دەکرێت، ئەوەش ڕەتدەکاتەوە هیچ ڕێککەوتنێک هەبێت بۆ هەمواری یاسای هەڵبژاردن.

لێدوانی فەرمی: حەسەن فەدعەم، سەرکردە لە چوارچێوەی هەماهەنگی شیعە ڕایگەیاند: "هەڵبژاردنی داهاتوو لە کۆتایی ساڵی 2025 دەکرێت، پێش دوو مانگ لە کۆتاییهاتنی تەمەنی پەرلەمانی عێراق، پێموانییە هیچ بیانوویەک هەبێت بۆ هەڵبژاردنی پێشوەختە لە سایەی ئەو سەقامگیرییە حکومی و سیاسییەو ئەو سەرکەوتنەی حکومەتەکەی محەممەد شیاع سوودانی پێشکەشی کردووە".

زانیاریی زیاتر: بە بڕوای ئەو سەرکردەیەی چوارچێوەی هەماهەنگی هەڵبژاردنی پێشوەختە پێویستی بە ڕێککەوتن هەیە و دەڵێت: "هێشتا هیچ ڕێککەوتنێک نییە لەسەر هەموارکردنەوەی یاسای هەڵبژاردن، لەوانەش پرسی زیادکردنی بڕگەیەک کە ڕێگری لە بەربژێربوونی ئەوانە بکات کە خاوەن پۆستی باڵان لە وڵاتدا، لەوانە سەرۆکوەزیران و وەزیرەکان".

وێنە گەورەكە: لە عێراق هێشتا مشتومڕ لەسەر هەڵبژاردنی پێشوەختە هەیە و لایەنەكان لەسەری كۆك نین.