ئیدارەی زاخۆ بە 11 پرۆژە بەخێرهاتنی ناحیەی باتێل دەکات

ئاڤا نیوز

 

دوای ئەوەی ناحیەی باتێل، چووە سنووری قەزای زاخۆ، لەسەر ڕاسپاردەی سەرۆكوەزیران بارزانی بەردی بناغەی 11 پڕۆژە دانران.

وێنە گەورەکە: لەسەر ڕاسپاردەی سەرۆکوەزیران بارزانی، بەردی بناغە بۆ 11 پرۆژەی خزمەتگوزاری لە ناحیەی باتێلێ بە گوژمەی پێنج ملیار دینار دادەنرێت.

لێدوانی فەرمی: گوهدار شیخۆ، سەرپەرشتیاری ئیدارەی سەربەخۆی زاخۆ، لە کۆنگرەیەکی ڕۆژنامەوانیدا ڕایگەیاند: ناوچەی باتێلێ شوێنێکی گرنگە، پلانمان هەیە لەسەر ڕاسپارەی سەرۆکوەزیران بارزانی، گرنگی زیاتر بەم ناوچەیە لە هەموو بوارێکدا بدەین.

ئەوەی پێویستە بیزانیت: ناحیەی باتێلێ سەر بە قەزای سمێل بوو بەڵام گواسترایەوە بۆ سەر ئیدارەی سەربەخۆی زاخۆ، ئەمەش دەبێتە یەکەم پرۆژەی ئیدارەی سەربەخۆی زاخۆ لەم ناحیەیە.