سەرۆکی هەرێمی کوردستان و شاندێکی ئەمریکا تاوتوێی دۆخی شنگال دەكەن

ئاڤا نیوز

 

سەرۆکی هەرێمی کوردستان پێشوازی لە شاندێکی ئەمریکا کرد، باسیان لە گرنگی جێبه‌جێكردنی ڕێككه‌وتنی نێوان هەرێمی کوردستان و حکومەتی عێراق لە بارەی شنگالەوە کرد.

ئەوەی پێویستە بیزانیت: ئەمڕۆ نۆی ئایار، نێچیرڤان بارزانی سه‌رۆكی هه‌رێمی كوردستان، پێشوازی له‌ ئەزرا زییا، بریکاری وەزارەتی دەرەوەی ئەمریکا بۆ کاروباری ئاسایشی سڤیل و دیموکراسی و مافەکانی مرۆڤ كرد، تاوتوێی چەندین پرسیان کرد.

ڕاگەیێنراوی فەرمی: جه‌خت له‌ پاراستنی مافه‌كانی مرۆڤ، بره‌ودان به‌ دیموكراسی و ئازادییه‌كان له‌ هه‌رێمی كوردستان كرایه‌وه‌، هه‌روه‌ها دۆخی ئاواره‌ و په‌نابه‌ران و پێكهاته‌كان، تاوتوێ كران، داكۆكییان له‌ بره‌ودان به‌ به‌ها هاوبه‌شه‌كان و پاراستنی مافی پێكهاته‌ نه‌ته‌وه‌یی و ئایینییه‌كان كرده‌وه‌.

بابەتی ستراتیژی: ڕه‌وشی ئێزدییان و گرنگیی جێبه‌جێكردنی ڕێككه‌وتنی حكوومه‌تی هه‌رێمی كوردستان و حكوومه‌تی عێراقی فیدراڵ بۆ ئاساییكردنه‌وه‌ی دۆخی شه‌نگال، هه‌ڵبژاردنی په‌رله‌مانی كوردستان، گه‌ڕانه‌وه‌ی ئاره‌زوومه‌ندانه‌ی ئاواره‌كان، ژیان و گوزه‌رانی ئاواره‌ و په‌نابه‌ران له‌ كه‌مپه‌كاندا، ته‌وه‌رێكی دیكه‌ی كۆبوونه‌وه‌كه‌ بوو.

وێنە گەورەكە: چوار ساڵە ڕێککەوتنی شنگال لەنێوان حکومەتەکانی هەرێمی کوردستان و عێراقدا کراوە، بەڵام تا ئێستا جێبەجێنەکراوە و ئەو قەزایە لەڕووی ئەمنی و خزمەتگوزاریەوە لە دۆخێکی خراپدایە.