كۆبوونەوەی نەتەوە یەكگرتووەكان سەبارەت بە ئەندامیەتیی فەڵەستین بەڕێوەچوو

ئاڤا نیوز

کۆبوونەوەی نەتەوە یەکگرتووەکان بۆ دەنگدان لەسەر ئەندامیەتیی هەمیشەیی فەڵەستین لە کۆمەڵەکە بەڕێوەچوو.

ئەوەی پێویستە بیزانیت: بەشێک لە ئەندامەکانی کۆمەڵەکە لەگەڵ ئەوەدان فەڵەستین ببێتە ئەندامی هەمیشەی نەتەوە یەکگرتووەکان.

لێدوانی فەرمی: نوێنەری فەڵەستین لە نەتەوە یەكگرتووەكان لە گوتارێكدا گوتی:" گەلی فەڵەستین مافی خۆیەتی چارەنوسی خۆی دیاری بکات و ئیسرائیل دەروازەكانی داخستووە و دەروازەی ڕەفەحی كۆنترۆڵ كردووە و  داوا لە ئەنجوومەنی گشتی نەتەوە یەكگرتوەكان دەكەین لە بەرژەوەندیی فەڵەستین هاودەنگی هەبێت".

بۆچی گرنگە: ئەگەر فەڵەستین ببێتە ئەندامی هەمیشەیی نەتەوە یەکگرتووەکان دەتوانێت کاریگەریی ڕاستەوخۆی هەبێت لەسەر هێرشەکانی ئیسرائیل بۆ سەر کەرتی غەززە.