ترەمپ دوای هێرشەکەی تەدموور؛ هێشتا متمانەم بە شەرع هەیە

ئاڤا نیوز

لەبارەی ڕووداوەی ڕۆژی هەینی سووریا کە تێدا ئەمریکا کوژران و برینداربوونی ژمارەیەک سەرباز و کارمەندیی وڵاتەکەی ڕاگەیاند، ترەمپ جەخت دەکاتەوە کە هێشتا متمانەی بە ئەحمەد شەرع سەرۆککۆماری سووریا هەیە و ڕووداوەکەش بە هێرشێکی 'داعش'ناو دەبات.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ئەم ڕووداوە هیچ پەیوەندییەکی بە ئەو واتە بە ''شەرعەوە'' نییە، ئەو شوێنە بەشێکە لە سوووریا کە حکومەت کۆنترۆڵی ئەوتۆی تێدا نییە، ڕووداوەکە دڵتەنگە و شەرعیش کار بۆ چارەسەرکردنی دەکات، ئەو پیاوێکی بەهێزە، ئەم ڕووداوە هیچ پەیوەندییەکی بە حکومەتی سووریاوە نەبووە؛ پەیوەندی بە داعشەوە هەبووە.

زانیاریی زیاتر: ترەمپ لەبارەی بوونی هێزەکانی ئەمریکا لە سووریا پرسیاری لێکرا کە ئایا بۆچی هێشتان ئەو هێزانە لەوێن، ترەمپ وتی چونکە هەوڵدەدەین دڵنیابین لەوەی ئاشتی لە ڕۆژهەڵاتی ناوەڕاستدا جێگیر دەبێت و بەردەوام دەبێت، سووریاش بەشێکی گەورەیە ئەو ئاشتیەیە.

ئەمەش بزانە: لە هێرشەکەدا دوو سەربازی ئەمریکی و وەرگێڕێکی مەدەنی ئەمریکی لە سووریا کوژراون.