نرخی ژەمێکی دۆڵمە لە کوێت 6500 دۆلارە

ئاڤا نیوز

قاپێک یاپراخی گەڵامێو کە بە ئاڵتوون ڕووپۆش کراوە لە ڕێستۆرانتێکی کوێت بە 6500 دۆلار دەفرۆشرێت.

 

ئەوەی پێویستە بیزانیت:  چێشتخانەیەکی کوێت ڤیدیۆی ژەمێکی یاپراخی گەڵامێوی بڵاوکردووەتەوە و نووسراوە، نرخەکەی 6500 دۆلارە کە نرخی ( سێ ئۆنس) ئاڵتوونە.

لێدوانی فەرمی:  شێفی دۆڵمەکە دەڵێت، "ئەمڕۆ من باسی ئەزموونی خۆمتان بۆ دەکەم لەگەڵ بەتامترین یاپراخی گەڵامێو لە کوێت، گەڵای مێوی پێچراو بە زێڕ، ئەو نرخەی بۆی دیاریکراوە شایەنییەتی."

ئەوەی لە بارەیەوە دەگوترێت: سەرەتای بڵاوبوونەوەی ڤیدیۆ و وێنەی دۆڵمەکە  لە ڕێگەی هەژمارێکی  تایبەت بە هەڵسەنگاندنی چێشتخانەکانەوە بووە و دواتر لە تۆڕە کۆمەڵایەتییەکان دەنگدانەوەیەکی گەورەی بەدوای خۆیدا هێنا.