سەرۆککۆماری عێراق: وڵاتانی دراوسێ بەردانەوەی ئاویان بۆ عێراق کەم کردووەتەوە

ئاڤا نیوز 

 

لەتیف ڕەشید، سەرۆککۆماری عێراق ڕایگەیاند "سامانی ئاو گرنگە، وڵاتانی دراوسێ بەردانەوەی ئاویان بۆ عێراق کەم کردووەتەوە". 

 

وێنە گەورەکە: بە ئامادەبوونی  سەرۆککۆماری عێراق، سەرۆكی هەرێمی كوردستان و سەرۆكوەزیران بارزانی، سیمپۆزیومی نێودەوڵەتیی کاریگەرییەکانی وشکەساڵی و گۆڕانی ئاووهەوا لە سەر دۆخی سیاسی، ئابووری و دیموگرافیای عێراق بەڕێوە دەچێت.

 

لێدوانی فەرمی: لەتیف ڕەشید سەرۆککۆماری عێراق ڕایگەیاند: ئەم کۆنفڕانسە لە کاتێکدا بەڕێوە دەچێت کە گۆڕانی گەورەی ژینگەیی لە عێراق ڕوودەدات، گۆڕانکارییەک کە لەسەر ژیانی ئابووری و کەرتی کشتوکاڵ و سامانی ئاو دروست کردووە، یەکێکە لە کێشە گەورەکان و ڕووبەڕووی وڵاتانی جیهانیش بووەتەوە.

هۆکارە زانراوەکان: بەرزبوونەوەی پلەی گەرمی و زیادبەکارهێنانی پەینی کشتوکاڵی، بوونەتە هۆی پیسبوونی ئاو و بەبیابانکردنی زەوییە کشتوکاڵییەکان.

 

چارەسەرەکان: هەوڵ دەدەین لەڕێگەی دروستکردنی بەنداو و گلدانەوەی ئاو، کاریگەریی نەرێنیی وشکەساڵی کەم بکەینەوە. سەرۆککۆماری عێراق وای گوت.