شاندێکی هەرێمی کوردستان سەردانی بەغدا دەکات

ئاڤا نیوز 

 

 شاندێکی وەزارەتی کشتوکاڵ و سەرچاوەکانی ئاوی حکومەتی هەرێمی کوردستان، سەردانی بەغدا دەکات و تاوتوێی وەرگرتنی بڕی گەنمی جوتیاران دەکەن.

وێنە گەورەکە: لە بەشێکی پارێزگاکانی عێراق پڕۆسەی وەرگرتنی گەنمی جووتیاران دەستی پێ کردووە، لەگەڵ وەرگرتنی بەرهەمەکە ڕاستەوخۆ جووتیاران پارەکەی وەردەگرن، لەم هەفتەیە ئەو بڕە یەکلایی دەکرێتەوە کە لە جووتیارانی هەرێمی کوردستان وەردەگیرێت.

لێدوانی فەرمی: بێگەرد تاڵەبانی، وەزیری کشتوکاڵی حکومەتی هەرێمی کوردستان بە ئاڤا نیوزی ڕاگەیاند: ئەمڕۆ بە یاوەری شاندێک سەردانی بەغدا دەکات و ڕۆژی دووشەممە لەگەڵ وەزارەتی کشتوکاڵی عێراق کۆدەبنەوە.

زانیاریی زیاتر: ئامانج لە سەردانەکە گەیشتنە بە ڕێککەوتنێک لەگەڵ بەغدا بە مەبەستی ئەوەی ئەمساڵ جیاواز لە ساڵی ڕابردوو گەنمی جووتیاران وەربگیرێت و یەکسانی هەبێت.

ئەوەی پێویستە بیزانیت: بڕیارە ڕۆژی 01-06-2024 دەست بە وەرگرتنی گەنمی جووتیارانی هەرێمی کوردستان بکرێت، بەڵام تاوەکو ئێستا بڕەکە دیاری نەکراوە.