دڵکورد داوای زیادکردنی وانەی کوردی لە تورکیا دەکات

ئاڤا نیوز 

دڵکورد ،کۆمەڵەیەکی کوردی باکووری کوردستانە، داوای هەڵگرتنی ڕێگرییەکانی بەردەم خوێندنی کوردی لە تورکیا دەکات. 

وێنە گەورەکە: وەزارەتی پەروەردەی تورکیا بۆ ساڵی نوێی خوێندن 2024- ،2025 بڕیاری دامەزراندنی بۆ 20 هەزار مامۆستا دەکرد، لەو ژمارەیە تەنیا 10 مامۆستای زمانی کوردی تێدایە، کۆمەڵەی دڵکورد و چەند ریکخراوێکی پەروەردەیی باکووری کوردستان ڕەخنە لەو بڕیارە دەگرن و داوای دامەزراندنی ژمارەیەکی زیاتری مامۆستایانی زمانی کوردی دەکەن.  

ڕاگەیێنراوی فەرمی: دڵکورد، لە تۆڕی کۆمەڵایەتی ئێکس ڕایگەیاند: داوا دەکەین دامەزراندن بۆ مامۆستایانی زمانی کوردی زیادبکرێت، ڕێگرییەکانی بەردەم خوێندنی کوردی هەڵبگیرێت.

زانیاریی زیاتر: کۆمەڵە و ڕێکخراوە کوردییەکان داوای پاڵپشتی لە نووسەر و ڕووناکبیرانی تورکیا دەکەن. 

ئەمەش بزانە: لە تورکیا و باکووری کوردستان یەک ملیۆن و 154 هەزار و 383 مامۆستا هەن، کە تەنیا 149یان مامۆستای زمانی کوردین.

باکگراوند: ساڵی رابردوو لە کۆی 45 هەزار مامۆستا کە دامەزرێنران، تەنیا 50 مامۆستایان بۆ زمانی کوردی بوون.