نێچیرڤان بارزانی: پێویستە بەغدا پابەندییەکانی بەرامبەر هەولێر جێبەجێ بکات

ئاڤا نیوز

سەرۆکی هەرێمی کوردستان ئاماژەبەوەدەدات، هەنگاوەکانی حکومەتی هەرێمی کوردستان بە ئاراستەی چارەسەری کێشەکان لەگەڵ عێراق جێگەی دەستخۆشین.

وێنە گەورەکە: سەرۆکی هەرێمی کوردستان لە سیمپۆزیەمی نێودەوڵەتیی کاریگەرییەکانی وشکەساڵی و گۆڕانی ئاووهەوا، گوتارێکی پێشکەشکرد و لەبەشێکیدا تیشکی خستەسەر پابەندییەکانی بەغدا لەگەڵ هەولێر.

لێدوانی فەرمی: نێچیرڤان بارزانی، سەرۆکی هەرێمی کوردستان ڕایگەیاند: "پێویستە بەغدا پابەندییەکانی بەرامبەر هەولێر جێبەجێ بکات، هاوکات دەستخۆشی لە هەنگاوەکانی حکومەتی هەرێمی کوردستان بە ئاراستەی چارەسەری کێشەکان لەگەڵ حکومەتی فیدراڵ دەکەین".

لە لایەکی دیکەوە:عێراق کەوتووەتە ژێر کاریگەری گۆڕانی کەشوهەوا، ساڵانە سەدان کیلۆمەتر زەوی کشتوکاڵی عێراق بە بیابان دەبن، عێراق و هەرێمی کوردستانیش زیاتر لە وڵاتانی دیکە پێویستیان بە کارکردن بۆ ڕووبە ڕووبوونەوەی ئاڵنگارییەکان هەیە. سەرۆكی هەرێمی كوردستان وای گوت.