سەرۆکوەزیران بارزانی و سەرۆککۆمار جەختیان لە پاراستنی قەوارەی هەرێمی کوردستان کردەوە

ئاڤا نیوز

 

سەرۆکوەزیران بارزانی پێشوازی لە لەتیف ڕەشید، سەرۆک کۆماری عێراق کرد، لە کۆبوونەوەکەدا "هاوڕابوون لەسەر پێویستی و گرنگیی ڕێزگرتن لە سیستەمی فیدراڵیی عێراق و قەوارەی هەرێمی کوردستان".

بابەتی ستراتیژی: لە کۆبوونەوەکەدا کە قوباد تاڵەبانی، جێگری سەرۆکی حکومەت ئامادەی بوو، هەردوولا هاوڕابوون لەسەر پێویستی و گرنگیی ڕێزگرتن لە سیستەمی فیدراڵیی عێراق و قەوارەی دەستووریی هەرێمی کوردستان و چارەسەری کێشەکانی نێوان هەرێمی کوردستان و حکومەتی فیدراڵ لەسەر بنەمای دەستوور و ڕێککەوتنەکان. ئەمەش بەپێی ڕاگەیێنراوی کۆبوونەوەکە.

زانیاریی زیاتر: "جەخت لەوە کرایەوە سەرۆککۆمار، دەسەڵاتەکانی خۆی وەکو پارێزەری دەستوور، لە پێناو پاراستن و دابینکردنی مافە دەستوورییەکانی هەرێمی کوردستان بەکار بهێنێت."

 

وێنە گەورەكە: هەرێمی كوردستان و حكومەتی عێراق بەرەو چارەسەركردنی كێشە هەڵپەسێردراوەكانی نێوانیان هەنگاو دەنێن و سەرۆكوەزیران بارزانی و سەرۆكوەزیرانی عێراق دەستپێشخەرییان كردووە، بەڵام هێشتا عێراق لە ناردنی شایستە داراییەكانی هەرێمی كوردستان جددی نییە.