سەرۆكوەزیران بارزانی: هەموو كەسێك لە عێراق مافی یەكسانبوونی هەیە

ئاڤا نیوز

 

سەرۆكوەزیران بارزانی ڕایگەیاند، پێویستە دەستووریی عێراق وەكو خۆی جێبەجێ بكرێت و هەموو كەسێكیش لە عێراق، مافی یەكسانبوونی هەیە.

 

وێنە گەورەکە: لە هەولێر سیمپۆزیومی نێودەوڵەتیی کاریگەرییەکانی وشکەساڵی و گۆڕانی ئاووهەوا لەسەر دۆخی سیاسی، ئابووری و دیموگرافیایی عێراق، بەڕێوەچوو و سەرۆکوەزیران بارزانی بەشداری پانێلێکی کرد.

 

لێدوانی فەرمی: سەرۆكوەزیران بارزانی ڕایگەیاند: "پێویستە دەستوور وەكو خۆی جێبەجێ بكرێت، لە 2005ـەوە لەگەڵ عێراق گفتوگۆی دەستوور كۆتایی هاتووە، پێمانوایە هەموو هاووڵاتییەك لە عێراق مافی یەكسانی هاووڵاتیبوونی هەیە".

 

زانیاریی زیاتر: سەرۆکوەزیران بارزانی ئاماژەی بەوەش کرد، دووركەوتنەوەی كورد لە بەغدا بە ئارەزووی خۆی نەبووە، ئۆباڵەكەش لەسەر یەك لایەن نییە، دەكرێت كوردیش هەڵەی هەبوو بێت، بەڵام دەكرێت سەیری هەڵەكان بكەین.