عارف خەلیفە: هەژماری من لەسەر ئاستی عێراق بە پێشەنگ دادەنرێت

ئاڤا نیوز

 

ڕاوێژکاری ئابووری و بانکی لە وڵاتی بەحرەین ڕایدەگەیێنێت، هەژماری من لەسەر ئاستی عێراق بە پێشەنگ دادەنرێت و سەرەتایەکە بۆ پڕۆسەی بەبانکیکردن لە هەرێمی کوردستان و عێراق.

 

لێدوانی فەرمی: عارف خەلیفە، ڕاوێژکاری ئابووری و بانکی لە وڵاتی بەحرەین بە کوردستان حەسەن، پەیامنێری دیپلۆماسی ئاڤا نیوزی گوت: "پلان و دەستپێشخەریی هەژماری من، ئەگەر لەسەر ئاستی ناوچەکەش نەبێت، ئەوا لەسەر ئاستی عێراق بە پێشەنگ دادەنرێت".

 

زانیاریی زیاتر: عارف خەلیفە ئاماژەی بەوەش کرد، پێموایە هەژماری من سەرەتایەکە بۆ پڕۆسەی بەبانکیکردن لە هەرێمی کوردستان و عێراق، من لەو باوەڕەدام ئاییندەیەکی گەشی هەیە. 

 

خاڵە ئەرێنییەکان: کۆمەڵێک یاسای بانکی ناوەندی عێراق هەن تووندن، هەروەها یاسای تووندیش لەلایەن  هەژمارە ئەلیکترۆنییەکان و پڕۆسەی بەداتاکردنەکەی لە کاروباری بانکی دانراون، کە هیچ دەرفەتێک بۆ تێکدانی ئاسایشی زانیاری و هێرشی ئەلیکترۆنی دروست ناکەن.