کۆتایی ئەم مانگە یەکەم کاروانی حاجیانی هەرێمی کوردستان بەرەو سعودیە بەڕێ دەکەوێت

ئاڤا نیوز

 

بڕیارە ڕۆژی 27ـی ئەم مانگە یەکەم کاروانی حاجیانی هەرێمی کوردستان لەڕێگەی گەشتی ئاسمانییەوە بەرەو سعودیە بەڕێ بکەون.

 

لێدوانی فەرمی: کاروان ستوونی، گوتەبێژی بەڕێوەبەرایەتیی گشتیی حه‌ج و عومره‌ی هه‌رێمی کوردستان بە ئاڤا نیوزی گوت: "ئەمساڵ چوار هەزار و 685 حاجی هەرێمی کوردستان بە مەبەستی بەجێهێنانی فەریزەی حەج، گەشت بۆ سعودیە دەکەن"

 

ئەوەی پێویستە بیزانیت: لەو ژمارەیەی کە دەچنە سعودیە، زیاتر لە هەزار و 400 کەسیان بە ڕێگەی وشکانی گەشت دەکەن.

 

زانیاریی زیاتر: ڕۆژی 27-5-2024 یەکەم کاروانی حاجیان بە ڕێگەی ئاسمانی و لە 30ـی هەمان مانگیش کۆتا کاروان بەرەو سعودیە بەرێ دەکەون؛ بە ڕێگەی وشکانی لە 29-5-2024 یەکەم کاروان بەڕێ دەکەوێت.

 

ئەمەش بزانە: ئەمساڵ تێچووی حەج بە دیناری عێراقی وەرگیراوە و دۆلاریش بە نرخی بانکی ناوەندی وەرگیراوە بە 132 هەزار دینار؛ تێچووی ڕێگەی وشکانی پێنج ملیۆن و 300 هەزار دینار و ڕێگەی ئاسمانیش شەش ملیۆن و 350 هەزار دینارە.