سوپای ئۆکراینا بەشێک لە هێزەکانی لە خارکێڤ دەکشێنێتەوە

ئاڤا نیوز

 

سوپای ئۆکراینا بەشێک لە هێزەکانی سوپاکەی لە سەنگەرەکانی باکووری ناوچەی خارکێڤ کشاندەوە، دوای هێرشێکی نوێی سوپای ڕووسیا لە چەند ڕۆژی ڕابردوو. 

 

چی ڕوویدا؟ مۆسکۆ هەفتەی ڕابردوو هێرشێکی زەمینی گەورە و کتوپڕی بۆ سەر ناوچەکە دەستپێکرد لە چوارچێوەی هەوڵەکانی بۆ پێشڕەویکردن، لەکاتێکدا کیێڤ لە خەباتدایە بۆ بەدەستهێنانی کەرەستە سەربازییەکان بۆ بەرگریکردن.

 

ڕاگەیێنراوی فەرمی: سوپای ئۆکراینا ڕایگەیاند، "لە هەندێک ناوچەی نزیک لوکیانتسی و ڤۆڤچانسک، بەهۆی تۆپبارانی دوژمن و هێرشێکی پیادە، یەکەکانمان بەرەو شوێنی گونجاوتر پاشەکشەیان کرد بۆ ئەوەی گیانی سەربازەکانمان ڕزگاربکەین و هێشتا شەڕەکە بەردەوامە". 

 

ئەوەی پێویستە بیزانیت: "دۆخەکە هێشتا قورسە"، بەڵام هێزەکانی ئۆکراینا دەڵێن: "ڕێگە بە داگیرکەرانی ڕووسیا نادەین ناوچەکە کۆنترۆڵ بکات".