پارێزگاری سلێمانی: هەر کەسێک سواڵ بە منداڵ بکات سزا دەدرێت

ئاڤا نیوز

 

پارێزگاری سلێمانی ڕایدەگەیێنێت، هەر کەسێک کار یان سواڵ بە منداڵی خوار تەمەنی 18 ساڵی بکات، بەتوندی سزا دەدرێت.

 

وێنە گەورەکە: لە سلێمانی کۆبوونەوەی ئەنجوومەنی پاراستنی منداڵان کرا و هاوکات چەند بڕیارێکی گرنگ لەبارەی کارکردن و سواڵکردن بە منداڵ دەرکرا.

 

لێدوانی فەرمی: هەڤاڵ ئەبوبەکر، پارێزگاری سلێمانی ڕایگەیاند: "لەگەڵ لایەنە پەیوەندیدارەکانی شارەکە کۆبووینەوە، چەند بڕیارێکی گرنگمان دا، لەگەڵ داواکاری گشتی و دادگەی تێهەڵچوونەوەی سلێمانیش قسە دەکەین، چونکە ئەم بابەتە دەچێتە بابی ئەو یاسایەی بۆ پاراستنی نەوجەوانان و بەرەنگاربوونەوەی بازرگانیکردن بە مرۆڤ هەیە".

 

لەلایەکی دیکەوە: هەر بەخێوکەرێک بەڵێننامەیەکی پێ پڕ دەکرێتەوە و ڕێکارە یاساییەکانی بەرامبەر دەگیرێتەبەر، لە ئەگەری پێشێلکردنی بەڵێننامەکەدا، لەڕێگەی دادگەکانەوە سزای قورس دەدرێت.