دەیڤد كامیرۆن بۆ كەمكردنەوەی گرژییەكان سەردانی ڕۆژهەڵاتی ناوەڕاست دەكات

ئاڤا دیجیتاڵ

 

بۆ ئەوەی ئاڵۆزییەكانی ڕۆژهەڵاتی ناوەڕاست كەمبكرێنەوە و شەڕی گەورەتر ڕوونەدات، وەزیری دەرەوەی بەڕیتانیا سەردانی ڕۆژهەڵاتی ناوەڕاست دەكات و لەگەڵ چەند گەورە بەرپرسێكی ناوچەكە كۆدەبێتەوە. 

 

چیرۆكی سەرەكی: دەیڤد كامیرۆن، وەزیری دەرەوەی بەریتانیا، بڕیارە گەڕێكی سەردانەكانی بۆ ڕۆژهەڵاتی ناوەڕاست دەسپێبكات، سەردانی هەریەكە لە عوممان و فەڵەستین و ئیسڕائیل و توركیا دەكات.

 

لێدوانی فەڕمی :وەزارەتی دەرەوەی بەریتانیا لە راگەیێندراوێكدا دەڵێت: دەیڤد كامیرۆن بۆ دوو مەبەست سەردانی ڕۆژهەڵاتی ناوەڕاست دەكات، كەمكردنەوەی گرژییەكان ونەهێشتنی هێرشی حووسییەكان بۆ سەر كەشتییە بازرگانییەكان لە دەریای سوور.

 

باكگراوند:  لەسەرەتای شەڕی نێوان گرووپە چەكدارەكان و سوپای ئیسرائیل لە كەرتی غەززە، حووسییەكان هێرشیان كردە سەر كەشتییە بازرگانییەكانی بەڕیتانیا و ئەوروپا لە دەریای سوور، ئەمەش نیگەرانی زۆری لەلای بەریتانیا دروستكرد، لەگەڵ ئەمریكا هاوپەیمانێتیەكیان پێكهێنا بۆ ڕووبەڕووبونەوەی حووسییەكان و چەند جارێك بە فڕۆكە بۆردوومانی چەند بنكە و بارەگایەكی حووسییەكانیان لە یەمەن كرد.