لە کەرکووک هێرش کرایە سەر سوپای عێراق

ئاڤا نیوز

 

چەکدارانی داعش لە پارێزگای کەرکووک هێرش دەکەنە سەر خاڵێکی ئەمنیی هێزەکانی سوپای عێراق، ئامارە سەرەتاییەکانیش ئاماژە بە کوژرانی سەربازێکی سوپا دەکەن.

 

چیرۆکی سەرەکی: ئێوارەی ڕۆژی چوارشەممە، لە نزیک گوندی "عەلاوە مەحمودە" لە کەرکووک شەڕ و پێکدادان لەنێوان فیرقەی هەشتی فەوجی دووی لیوای 32ی سوپای عێراق لەگەڵ چەکدارانی داعش دروست بوو.

 

زانیاریی بەدەستهاتوو: بەپێی ئامارە سەرەتاییەکان، سەربازێك کوژراوە و دوو سەربازی دیکە بریندار بوون.

 

ئەمەش بزانە: شەوی دووشەممە، فەوجی دووی لیوای پیادە لە نێوان هەردوو پارێزگای دیالە و سەڵاحەدین ڕووبەڕووی هێرشێک بوونەوە، لە ئەنجامدا 12 سەربازی سوپا کە یەکێکیان فەرماندەی فەوجەکە بوو، کوژرا.