کارەبای دهۆک: هاوبەشان لە سیستەمی پریپەید ڕازین

ئاڤا نیوز

 

ماوەیەکە پرۆسەی دانانی سیستمی پریپەید لە دهۆک ڕاگیراوە و بەڕێوەبەری دابەشکردنی کارەبای دهۆکیش ڕایدەگەیێنێت، پرۆسەکە دەست پێ دەکاتەوە.

 

بۆچی گرنگە؟ سیستەمی پریپەید، کارەبای 24 کاتژمێری بەردەوام دابین دەکات و سوود بە هاوبەشانی کارەبا دەگەیێنێت.

 

لێدوانی فەرمی: هەڤاڵ حەسەن، بەڕێوەبەری دابەشکردنی کارەبای دهۆک بە ئاڤا نیوزی ڕاگەیاند: "سیستەمی پریپەیدی کارەبا لەم قۆناغەدا ڕاگیراوە، بەڵام وەک پرۆسە بەردەوامی دەبێت و لە دهۆکیش ڕەنگە لە مانگی حەوت بۆ هەشت دەستی پێ بکرێتەوە".

 

زانیاریی زیاتر: ئەو بەڕێوەبەرە گوتیشی، لە دهۆک نزیکەی 13 هەزار هاوبەش سیستەمی پریپەیدیان بەستووە، خەڵک ڕازین بەم سیستمە و زۆر کێشەی خەڵکی چارەسەر کردووە.