کۆمارییەکان داوا دەکەن بایدن دەست بە ناردنی چەک بۆ ئیسرائیل بکاتەوە

ئاڤا نیوز

 

ئەنجوومەنی نوێنەرانی ئەمریکا دەنگ لەسەر پڕۆژە بڕیارێک دەدات کە بەهۆیەوە داوا لە سەرۆکی ئەمریکا دەکرێت، دەست بە ناردنی چەک بۆ ئیسرائیل بکاتەوە.

 

وێنە گەورەکە: کۆمارییەکان لە ئەنجوومەنی نوێنەران زۆرینەن و لەگەڵ ئەوەشدا توانییان دەنگی 16 ئەندامی دیموکراتەکانیش بۆ لای خۆیان ڕابکێشن؛ بەڵام سێ ئەندامی کۆمارییەکانیش چوونە ڕیزی زۆرینەی دیموکراتەکان و دەنگیان لە دژی پڕۆژە بڕیارەکە دا.

 

زانیاریی زیاتر: پڕۆژەکە ناونراوە 'پڕۆژەی بەهێزکردنی هاوکاریی ئاسایشی ئیسرائیل' و بە 224 دەنگی بەڵێ و 187 دەنگی نەخێر تێپەڕێنرا.

 

بابەتە ستراتیژییەکان: چاوەڕێ ناکرێت ئەم پڕۆژەیە ببێتە یاسا و ئەنجوومەنی پیرانیش پەسەندی بکات و سەرۆکیش واژۆی بکات؛ بەڵام لەگەڵ ئەوەشدا ڕەخنەیەکی تووند لسەر بایدن دەبێت، بە تایبەت کە ئەمساڵ هەڵبژاردنی سەرۆکایەتی بەڕێوە دەچێت و بایدن بەربژێری دیموکراتەکانە لەو هەڵبژاردنەدا.