سوارە محەممەد "مەدحی باری" دەکاتە گۆرانی

ئاڤا نیوز

 

هونەرمەند سوارە محەممەد، سەرقاڵی بەرهەمهێنانی ڤیدیۆکلیپێکی نوێیە بۆ گۆرانییەکی نوێی و دەڵێت، دوو دژە کوردی نەزانی ناو سۆشیاڵ میدیا هانیاندام ئەم بەرهەمە تۆمار بکەم.

 

چیرۆکی سەرەکی: هونەرمەند سوارە محەممەد، لە نوێترین کاری هونەری خۆیدا، موناجاتێک پێشکەشی گوێگرانی دەکات کە ڕۆحی کوردبوون لە ناو کارەکەیدا رەنگی داوەتەوە.

 

لێدوانی فەرمی: سوارە محەممەد لە لێدوانێکی تایبەتدا بۆ ئاڤا میدیا رایگەیاند، ئەم بەرهەمەم بۆ خودا گوتووە و وەڵامی هەموو دژە کوردێکی تێدا دراوەتەوە، دوو دژە کوردی نەزانی ناو سۆشیاڵ میدیا هانیاندام ئەم بەرهەمە تۆمار بکەم.

 

ئەوەی پێویستە بیزانیت: کارە نوێکەی هونەرمەند سوارە محەممەد، ناوی مەدحی بارییە، تێکستی حاجی قادری کۆییە و موسلیم جەلال، کاری دابەشکردنی میوزیکی بۆ کردووە؛ بڕیارە پێش جەژنی قوربان بڵاو بکرێتەوە.