کێ دەبێتە شوێنگرەوەی ڕەئیسی؟

ئاڤا نیوز

دەستووری ئێران ڕێکارەکانی جێگرتنەوەی سەرۆککۆماری لە کاتی مردنی دەستنیشان کردووە، بەپێی دەستوور محەممەد موخبەر، یەکەم جێگری سەرۆککۆماری ئێران وەک جێنشینی سەرۆککۆمار دیاری دەکرێت.  

 

چیرۆکی سەرەکی: ئێوارەی ڕۆژی یەکشەممە 19-05-2024 ئیبراهیم ڕەئیسی لە خاڵێکی سنووریی تەورێز بەهۆی "خراپیی کەشوهەوا" هێلیکۆپتەرەکە ون بوو و دوای 18 کاتژمێر لە گەڕان، هێلیکۆپتەرەکە بە تێكشکاوی دۆزرایەوە و سەرۆککۆمار و یاوەرەکانیشی گیانیان لەدەست دا. 

 

زانیاریی بەدەستهاتوو: بە گوێرەی ماددەی 131ـی دەستوور، جێگری یەکەمی سەرۆککۆماری ئێران، دەبێتە سەرۆککۆماریی کاتیی ئێران و هەموو دەسەڵاتەکانی سەرۆک کۆماری دەبێت، ئەمەش دوای ئەوەی کە ڕێبەری باڵا پەسەندی دەکات.

 

زانیاریی زیاتر: دواتر پێویستە ئەنجوومەنێک لە سەرۆکی پەرلەمان، سەرۆکی دەسەڵاتی دادوەری و جێگری یەکەمی سەرۆککۆمار دروست بکرێت تاوەکو ئامادەکاریی بکەن بۆ ئەوەی لە ماوەی 50 ڕۆژدا هەڵبژاردنی پێشوەختە بۆ سەرۆکی ئێران بەڕێوە بچێت و سەرۆکێکی نوێ هەڵبژێردرێت. 

 

شوێنگرەوەکەی ڕەئیسی کێیە؟

- محەمەد موخبەر تەمەنی 68 ساڵە

 

- خاوەنی دوو بڕوانامەی دکتۆرایە لە یاسای نێودەوڵەتی و بەڕێوەبردن.

 

-لە ساڵی 2010 یەکێتیی ئەورووپا بە هۆی پێوەندی بە بەرنامەی مووشەکی ئێرانەوە ناوی خستە لیستی گەمارۆکانەوە.

- لە مانگی یەکی ساڵی 2021 لەلایەن گەنجینەی ئەمریکاوە خرایە لیستی سزاکانەوە.

 - لە مانگی ئابی 2021، ئیبراهیم ڕەئیسی، محەممەد موخبەر وەک جێگری یەکەمی سەرۆککۆماری هەڵبژارد.