خامنەیی: ڕەئیسی هەموو تەمەنی بۆ خزمەتی وڵات و ئیسلام تەرخانكردبوو

ئاڤا نیوز 

ڕێبەری باڵای ئیسلامی ئێران بەبۆنەی گیانلەدەستدانی سەرۆككۆماری ئێران و هاوڕێكانییەوە پەیامێكی بڵاوكردەوە و دەڵێت، بەداخەوە هەواڵی "شەهیدبوونی" ڕەئیسیم پێگەیشت.

 

وێنە گەورەكە: كاردانەوە ناوخۆییەكان لە بارەی گیانلەدەستدانی سەرۆككۆماری ئێران و وەزیری دەرەوە و هاوڕێكانی تاوەکو دێت ڕوو لەزیادبوون دەکەن و ڕێبەری باڵای كۆماریی ئیسلامی ئێران لەمبارەیەوە پەیامێكی بڵاوكردەوە.

 

ڕاگەیەنراوی فەرمی: عەلی خامنەئی، ڕێبەری باڵای شۆڕشی ئیسلامی ئێران ڕایگەیاند: بەداخ و پەژارەیەكی زۆرەوە هەواڵی شەهیدبوونی ئیبراهیم ڕەئیسیم پێگەیشت، ئەو ماندوونەناسانە كاریكردووە بۆ وڵاتەكەی.

 

زانیاریی زیاتر: خامنەیی زیاتر دەنوسێت: ئەم کارەساتە تاڵە لە کاتی خزمەتی گەلدا ڕووی دا، تەواوی ئەو ماوەیەی کە ئەم پیاوە گەورە و خۆبەخشە بەرپرسیارێتیی جۆراوجۆری هەبووە، چ لە سەردەمی سەرۆکایەتییەکەیدا و چ پێش ئەوەش، بە تەواوی خۆی تەرخان كردووە بۆ خزمەتکردنی خەڵک و ئیسلام بێ وەستان.