ئاسایشی هەولێر هۆشداری بە "تیکتۆکچی و لایڤچییەکان" دەدات

ئاڤا نیوز

 

گوتەبێژی بەڕێوەبەرایەتیی ئاسایشی هەولێر ڕایدەگەیێنێت، هەر کەسێک لە دابونەریتی کۆمەڵگە لابدات و سوکایەتی بکات، دەستگیری دەکەن.

 

لێدوانی فەرمی: موقەدەم ئەردەلان، گوتەبێژی بەڕێوەبەرایەتیی ئاسایشی هەولێر، بە ئاڤا نیوزی گوت: ئەو کەسانەی "تیکتۆکچین" و لایڤ دەکەنەوە و "قسەی نەشیاو و سوکایەتی دەکەن" کە لەگەڵ دابونەریتی کۆمەڵگە ناگونجێت، یەک بە یەکیان بۆ ئاسایش بانگ دەکرێن و هۆشدارییان پێ دەدرێت. 

 

زانیاریی زیاتر: تاوەکو ئێستا چەندین "تیکتۆکچی و لایڤچی" بۆ ئاسایش بانگکراون و ئاگادار کراونەتەوە، ئەگەر پابەند نەبن ڕێکاری یاساییان بەرامبەر دەگیرێتەبەر و سزا دەدرێن، بەپێی یاسای خراپبەکارهێنانی ئامێرەکانی پەیوەندی مامەڵەیان لەگەڵ دەکرێت، هاوکات کەسێکیش سکاڵای لەسەر ئەوان تۆمار کردبێت دەستبەجێ ڕێکاری یاساییان بەرامبەر دەگیرێتەبەر.