سەرۆک بارزانی: بە بیستنی هەواڵی گیانلەدەستدانی ڕەئیسی زۆر خەمگین بووم

ئاڤا نیوز 

 

سەرۆک بارزانی پەیامێک ئاراستەی ئێران دەکات بۆ گیانلەدەستدانی سەرۆککۆمار و وەزیری دەرەوە، لە پەیامەکەیدا دەڵێت، "بە بیستنی هەواڵەکە زۆر خەمگین بووم". 

 

چیرۆکی سەرەکی: ڕۆژی یەکشەممە 19-05-2024 ئیبراهیم رەئیسی، سەرۆکی ئێران و ئەمیر عەبدوڵڵاهیان، وەزیری دەرەوە و چەند بەرپرسێکی دیکە لە کاتی گەڕانەوەیان لە شاری ئازەربەیجانی ڕۆژئاوا بەرەو تاران بەهۆی "خراپیی کەشوهەوا" هێلیکۆپتەرەکەیان تێکشکا و سەرجەم سەرنشینەکانی گیانیان لەدەست دا.

 

پەیامی سەرەخۆشی: سەرۆک بارزانی لە پەیامەکەی دەڵێت: بە بیستنی هەواڵی گیانلەدەستدانی ئیبراهیم ڕەئیسی سەرۆککۆمار و عەبدوڵڵاهیان وەزیری دەرەوەی کۆماری ئیسلامیی ئێران لە ڕووداوی دڵتەزێنی کەوتنەخوارەوەی هیلیکۆپتەر زۆر خەمگین بووم.

 

درێژەی پەیام: سەرۆک بارزانی لە پەیامەکەیدا پرسە و سەرەخۆشیی خۆی ئاراستەی ڕابەری کۆماری ئیسلامی ئێران و حکومەت و خانەوادە و کەسوکاری قوربانیانی ئەو ڕووداوە کردووە و نزا دەکات "خودای گەورە سەبووریی هەموو لایەک بدات".