ئەمریکا: گرووپەکانی نزیک لە ئێران سیستەمی دارایی عێراق بەکاردەهێنن

ئاڤا دیجیتاڵ

بەرپرسێکی وەزارەتی گەنجینەی ئەمریکا دەڵێت "گرووپه چەکدارەکانی سەر به ئێران سیستمی دارایی عێراق بەکاردەهێنن بۆ بەردەوامیدان بە هێرشەکانیان".

چیرۆکی سەرەکی: ئەمریکا چەندین ڕێککاری لەبەرامبەر بانکەکانی عێراق گرتووەتەبەر لەپێناو ئەوەی چیدیکە سەرچاوەی دارایی عێراق بۆ پاڵپشتیی گرووپە چەکدارەکانی ئێران بەکارنەهێنرێت، بەڵام بەرپرسانی واشنتن پێیانوایە هێشتا ئەو گرووپانە سوودمەندن لەدارایی عێراق و بۆ چالاکییەکانیان بەکاردەهێنن.

ئەوەی لەمبارەیەوە دەگوترێت: بەرپرسێک لە وەزارەتی گەنجینەی ئەمریکا کە ناوی ئاشکرا نەکردووە، بە ئاژانسی ڕۆیتەرزی ڕاگەیاند "ئەمریکا لەو باوەڕەیە کە حکومەتی عێراق هاوکارییان دەکات بۆ دەستنیشانکردن و دروستكردنی ئاستەنگ لەبەردەم پارەداركردنی گرووپە چەکدارەکانی سەر بە ئێران لە عێراق".

زانیاریی زیاتر: گرووپە چەکدارەکانی نزیک لە ئێران ئێران، عێراق و سیستم و پێکهاتە داراییەکەی بەشێوەیەکی خراپ بەکاردەهێنن بۆ درێژەدان بە هێرش و چالاکیەکانیان، پێویستە ڕاستەوخۆ چارەسەری ئەم بابەتە بکەین". ئەمەش هەر بەگوتەی ئەو بەرپرسەی وەزارەتی گەنجینەی ئەمریکا.

باکگراوند: پێشتر وەزارەتی گەنجینەی ئەمریکا، لەکۆی 86 بانکی ئەهلی لەعێراق ، 14 بانکی خستووەتە لیستی ڕەشەوە، بە تۆمەتی پاڵپشتیی دارایی بۆ ئەو گرووپ و لایەنانەی کە واشنتن وەک "تیرۆریست" دەستنیشانی کردوون.