ئەردۆغان: بە سوپاسگوزاری و منەتبارییەوە یادی ڕەئیسی دەکەمەوە

ئاڤا نیوز

 

سەرۆککۆماری تورکیا، سەرەڕای سەرەخۆشی بۆ گیانلەدەستدانی سەرۆککۆمار و وەزیری درەوەی ئێران، باس لە دوایین چاوپێکەوتنەکانی لەگەڵ ڕەئیسی دەکات.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا گوتی: "من لە نزیکەوە شایەدی هەوڵەکانی ڕەئیسی بووم بۆ پاراستنی پەیوەندی نێوان تورکیا و ئێران، بە سوپاسگوزاری و منەتبارییەوە یادی دەکەمەوە."

لە لایەکی دیکەوە: سەرۆککۆماری تورکیا، ئەمیر عەبدوڵڵاهیان، وەزیری درەوەی ئێرانی، بە دیبلۆماسێکی کارا ناوبرد.

ئەوەی پێویستە بیزانیت: ئەردۆغان جەختی لەوە کردەوە، تورکیا چۆن هاوکاری ئێرانی کرد لە دۆزینەوەی ڕەئیسی، بەهەمان شێوە لەم کاتە سەختە وەک" دۆست و برا لەگەڵ گەلی ئێران" دەوەستێت.

 

باکگراوند: دوایین جار لە مانگی یەکی ئەمساڵ، ئەردۆغان لە تورکیا میوانداری ڕەئیسی کردووە.