ئاڤا میدیا بەشداری گەورەترین پێشانگەی تەکنەلۆجیای میدیایی دەکات

 ئاڤا نیوز 

 

گرووپی میدیایی ئاڤا بەشداریی لە گەورەترین پێشانگەی تەکنەلۆجیای میدیایی لەسەر ئاستی ڕۆژهەڵاتی ناوەڕاست، ئافریقا و ڕۆژئاوای ئاسیا دەکات. 

 

وێنە گەورەکە: گرووپی میدیایی ئاڤا، بۆ ماوەی سێ ڕۆژ لە شاری دوبەی بەشداری لەو پێشانگەیە دەکات کە تایبەتە بە بواری تەکنەلۆجیای میدیا، هەریەکە لە ڕێبەر ڕەئوف، بەڕێوەبەری ئایتی و تەکنیک، سەفین تەها، بەڕێوەبەری ئاوتپووت لە ئاڤا میدیا بە نوێنەرایەتیی ئاڤا بەشداری لە کابسات دەکەن. 

 

لێدوانی فەرمی: ڕێبەر ڕەئوف، بەڕێوەبەری تەکنیک لە ئاڤا گوتی: ئاڤا میدیا ئامانجییەتی کە باشترین و بەرزترین ئاستی کوالێتی لە کەلوپەلی میدیایی لە کارەکانیدا بەکاربێنێت، بەشداریکردنمان لەم پێشەنگەیە بەشێوەیەکی فەرمییە و لە نزیکەوە ئاشنای نوێترین و سەردەمیانەترین داهێنانە میدیاییەکان دەبین. 

 

ئەوەی پێویستە بیزانیت: کابساتی ئەمساڵ هاوکاتە لەگەڵ یادی 30 ساڵەی دامەزراندنی ئەو کۆمپانیایە، ئەمساڵ بڕیارە لە ڕۆژانی 21-05-2024 تاوەکو 23-05-2024 بە بەشداری زیاتر لە 18 هەزار کەس و 450 کۆمپانیای دیجیتاڵی پێشانگەکە بەڕێوەبچێت.