یۆنامی بە فەرمی کەمپی سەرەکی خۆی لە بەغدا ڕادەستی حکومەتی عێراق دەکات

ئاڤا نیوز

نێردەی نەتەوە یەکگرتووەکان بۆ هاوکاریکردنی عێراق (یۆنامی) ڕایگەیاند کە بەڵگەنامەکانی تایبەت بە ڕادەستکردنی کەمپی سەرەکی خۆی لە بەغدای پایتەخت واژۆ کردووە، ئەمەش چەند ڕۆژێک پێش کۆتاییهاتنی ئەرکەکەیان لە عێراق.

ئەوەی پێویستە بیزانیت:  بەگوێرەی بڕیاری ئەنجوومەنی ئاساییشی نەتەوە یەکگرتووەکان، ئەرکی تیمی نەتەوە یەکگرتووەکان بۆ یارمەتیدانی عێراق (یۆنامی) لەکۆتایی ئەمساڵدا تەواو دەبێت و هەموو کارەکانی یۆنامی ڕادەگیرێن.

لێدوان فەرمی: ڕۆژی شەممە، 20ی کانوونی یەکەمی 2025، (یۆنامی) لە بەیاننامەیەکدا ئاماژەی بەوەدا کە "نێردەی نەتەوە یەکگرتووەکان بۆ هاوکاریکردنی عێراق (یۆنامی) بەڵگەنامەکانی ڕادەستکردنی کەمپی سەرەکی خۆی لە بەغدا بە حکومەتی عێراق واژۆ کرد، پێش کۆتاییهاتنی وادەی ئەرکی نێردەکە لە 31ی کانوونی دووەم."

زانیاریی زیاتر: بەیاننامەکە ئاشکرای کرد کە "ئەم ڕووداوە لووتکەی هاوکارییەکی نێوان هەردوو لابووە لە ماوەی چەند مانگێکدا و گۆڕانکارییەکە پیشان دەدات کە ئەمە دەستپێکی قۆناغێکی نوێی هاوبەشی نێوان نەتەوە یەکگرتووەکان و عێراقە."