ئەمریکا ڕەتیدەکاتەوە دەستی لە كەوتنە خوارەوەی هێلیكۆپتەرەكەی ڕەئیسیدا هەبێت

ئاڤا نیوز

پێنتاگۆن ڕەتیدەکاتەوە دەستی لە ڕووداوی کەوتنەخوارەوەی هێلیکۆپتەرەکەی سەرۆکی ئێراندا هەبوو بێت، کە بە هۆیەوە، سەرۆک کۆمار، وەزیری دەرەوە و سەرجەم سەرنشینەکانی دیکە گیانیان لەدەست دا. 

لێدوانی فەرمی: لۆید ئۆستن، وەزیری بەرگریی ئەمریکا، ڕایگەیاند: "ئێمە لە چاودێریکردنی دۆخەکە بەردەوام دەبین، بەڵام ئێمە هیچ دەستتێوەردانێکمان لە ڕووداوەکە نەبووە، ئێرانییەکانیش خۆیان لێکۆڵینەوە دەکەن و وەڵامی پرسیارەکان دەدەنەوە، بزانین ئەنجامی چی دەبێت".

بۆچی گرنگە: ئەم لێدوانە سەرجەم ئەو گومان و گریمانانە ڕەتدەکاتەوە کە باس لەوە دەکەن گوایا ڕووداوەکە بە هۆی نالەباریی کەشوهەواوە نەبووە، بەڵکو لایەنێکی دەرەکی ئەنجامی داوە.