تا ساڵی 2050 تێکرای تەمەن لە جیهاندا پێنج ساڵ بەرزدەبێتەوە

ئاڤا نیوز

 

توێژینەوەیەک دەریدەخات، لە ساڵی 2022 تاوەکو 2050 تێکرایی تەمەن لە جیهاندا پێنج ساڵ بەرزدەبێتەوە.

 

بڵاوکراوەی فەرمی: توێژینەوەکە کە لە لایەن پێوەرەکانی بارگرانی جیهانی (GBD) ئامادەکراوە، پێشبینی دەکات تاوەکو ساڵی 2050 تەمەنی پیاوان نزیکەی 4.9 ساڵ و تەمەنی ژنان 4.2 ساڵ زیاد بکات.

 

ئەوەی پێویستە بیزانیت: زاناکان لە ساڵی 1990 تا 2021، بە پشتبەستن بە 88 هۆکاری مەترسی و دەرئەنجامە تەندروستییەکان لە 204 وڵات و ناوچە، پێشبینییان کردووە کە خەڵک تەمەنی درێژتر دەبێت، بەڵام ساڵانی زیاتر لە دۆخی خراپی تەندروستیدا بەسەر دەبەن.

 

زانیاریی زیاتر: توێژینەوەکە ئاماژەی بەوەشکردووە، تێکڕای تەمەن لە ئاستی جیهان 73.6 ساڵە و ئەو ڕێژەیە لە ساڵی 2022 بەرزبۆتەوە بۆ 78.1 ساڵ.

 

بۆچی گرنگە: پێشکەوتنەکان لە بواریی تەندروستی، دۆزینەوەی چارەسەری نوێ و هۆشیاری زیاتری خەڵک بۆ خۆپارێزی دەبێتە هۆی زیاد بوونی تەمەن، بەڵام نابێتە هۆی ژیانکردن بە تەمەنێکی تەندروست.