ئەنجوومەنی دەستبەژێری ڕێبەریی ئێران کۆبووەوە

ئاڤا نیوز

 

ئەنجوومەنی دەستبەژێریی ڕێبەریی ئێران، خوبرەگان، یەکەمین کۆبوونەوەی خۆی ئەنجام دا.

 

وێنە گەورەکە: کۆبوونەوەی کرانەوەی خولی شەشەمی ئەنجوومەنی دەستەبژێری ڕێبەریی ئێران بەڕێوەچوو. ئیبراهیم ڕەئیسی، نوێنەری خوراسانی باشووڕ و ئایەتوڵا ئال هاشم نوێنەری ئازەربایجانی ڕۆژهەڵات لە ئەندامانی هەڵبژێردراوی ئەم ئەنجوومەنە بوون کە لە ڕووداوی کەوتنە خوارەوەی هێلیکۆپتەرەکە گیانیان لەدەست دا. 

 

زانیاریی زیاتر: کۆبوونەوەکە بۆ هەڵبژاردنی سەرۆک، جێگری سەرۆک و دوو سکرتێری ئەنجوومەنەکە و هەروەها سەرۆک و ئەندامانی شەش کۆمیتەی ئەنجوومەنەکە بوو. ئایەتوڵا موەحیدی کرمانی وەک سەرۆکی ئەنجوومەنەکە هەڵبژێردرا.   

 

ئەوەی پێویستە بیزانیت: ئەم ئەنجوومەنە لە 88 ئەندام پێک دێت و بۆ ماوەی 8 ساڵ هەڵدەبژێردرێن. کاریان دانان، لابردن و چاودێریکردنی ڕێبەری باڵای ئێرانە.

 

بۆچی گرنگە: دوای گیانلەدەستدانی سەرۆک کۆمار، ئێران دەیەوێت هیچ بۆشاییەک لە بەڕێوەبردنی وڵاتدا درووست نەبێت و هیچ یەک لە کارەکان پەکیان نەکەوێت.