سەرۆکی هەرێمی کوردستان سەردانی تاران دەکات

ئاڤا نیوز 

 

گوتەبێژی سەرۆکایەتی هەرێمی کوردستان ڕایگەیاند، بە مەبەستی بەشداریکردن لە پرسەی سەرۆککۆماری ئێران، سەرۆکی هەرێمی کوردستان سەردانی تاران دەکات.

وێنە گەورەکە: ڕۆژی 19-5-2024 ئەو هەلیکۆپتەرەی سەرۆککۆماری ئێران و وەزیری دەرەوە و ژمارەیەک بەرپرسی باڵای دیکەی ئەو وڵاتەی هەڵگرتبوو، بەهۆی خراپی کەشوهەواوە کەوتەخوارەوە و سەرجەمیان گیانیان لەدەست دا.

لێدوانی فەرمی: دڵشاد شەهاب، گوتەبێژی سەرۆکایەتیی هەرێمی کوردستان بە ئاڤانیوزی ڕاگەیاند: شاندێک بەسەرپەرشتی نێچیرڤان بارزانی سەرۆکی هەرێمی کوردستان سەردانی تاران دەکات، ئامانج لە سەردانەکە بەشداریکردنە لە ڕێوڕەسمی پرسەی ئیبراهیم ڕەئیسی سەرۆککۆماری ئێران.

ئەوەی پێویستە بیزانیت: بڕیارە ڕۆژی پێنچشەممە 23-5-2024 سەرۆککۆماری ئێران لە ئارامگای ئیمام ڕەزا لە مەشهەد بەخاک بسپێردرێت.