سەرۆکوەزیران بارزانی: هیوادارین ئەمە دواناخۆشی گەلی ئێران بێت

ئاڤا نیوز

 

سەرۆکوەزیران  بارزانی لە هەولێر بەشداریی لە پرسەی ئیبراهیم ڕەئیسی و هاوەڵانی کرد و ڕایگەیاند: چاوەڕێبووین دوای چەند ڕۆژێکی دیکە پێشوازی لە سەرۆککۆماری ئێران بکەین بۆ هەولێر، بەڵام بەداخەوە بۆ ئەم ڕووداوە دڵتەزێنە کە بووە هۆی گیان لەدەستدانی سەرۆککۆمار و دڵگرانی کردین

چیرۆکی سەرەکی: ئێوارەی ڕۆژی یەکشەممە 19-05-2024 هێلیکۆپتەری ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی خراپیی کەشوهەوا تێکشکاو بەهۆیەوە سەرۆککۆمار و هەشت لە یاوەرەکانی گیانیان لەدەست دا. 

لێدوانی فەرمی: سەرۆکوەزیران بارزانی، لە کۆنگرەیەکی ڕۆژنامەوانیدا گوتی: "ئێمە هاتووین هاوخەمی و پرسە و سەرەخۆشی خۆمان لە ڕێگەی کۆنسوڵگەری ئێران ئاراستەی ڕێبەرایەتی و سەرۆکایەتی و حکومەت و گەلی ئێران بکەین، هیوادارین ئەمە دواناخۆشی گەلی ئێران بێت و ئەم ڕووداوانە ببنە هۆکارێک بۆ ئەوەی گەلان لە یەکتر نزیکببن و بتوانین پەیوەندی باشتر لەگەڵ یەکتر دروستبکەین".