زیاتر لە هەشت هەزار کۆمپانیای نوێ لە هەرێمی کوردستان تۆمار کراون

ئاڤا نیوز  

بەڕێوەبەری گشتی تۆماری کۆمپانیاکان ڕایگەیاند، سەرەڕای قەیرانی دارایی لە کابینەی نۆدا هەشت هەزار و 274 کۆمپانیا تۆمارکراون.

بۆچی گرنگە: لە کابینەی نۆی ‌حکومەتی هەرێمی کوردستان ئاسانکاری تەواو بۆ تۆمارکردنی کۆمپانیاکان کراوە، ئەم گۆڕانکارییەش دەرفەتی و هەلی کاری بەشێوەیەکی بەرچاو ڕەخساندووە و ژمارەیەکی زۆر کرێکار کاریان دەستکەوتووە.

لێدوانی فەرمی: بڵند محەمەد، بەڕێوەبەری بەڕێوەبەرایەتیی گشتی تۆماری کۆمپانیاکان ڕایگەیاند: سەرەڕای قەیرانی دارایی لە کابینەی نۆدا هەشت هەزار و 274 کۆمپانیا تۆمارکراون، ئەوەش دەکاتە یەک لەسەر سێی کۆی گشتی کۆمپانیا تۆمارکراوەکانی هەرێمی کوردستان.

زانیاریی زیاتر: لە هەرێمی کوردستان 32 هەزار و 23 کۆمپانیای ناوخۆیی، لەگەڵ سێ هەزار و 405 لقی کۆمپانیای بیانی و هەزار و 139 لقی کۆمپانیاکانی بەغدا هەیە.

ئەوەی پێویستە بیزانیت: سەرەڕای کەمکردنەوەی تێچووی تۆمارکردنی کۆمپانیاکان، بەڵام داهاتەکان بە ڕێژەی 50% زیادیان کردووە.